Día da Radio & Día de Rosalía

 FALAMOS CON ROSALÍA

Este curso en Biblioneme aunamos a conmemoración de dúas datas o Día da Radio (13 de febreiro) e o Día de Rosalía (a partir deste ano a celebración trasládase ao 23 de febreiro, data de nacemento desta insigne poeta).

Un “excepcional experimento” permitiranos coñecer a unha Rosalía de Castro máis persoal. Nesta experiencia participaron activamente Sara Abelenda Costa, Carme Cebey Rega, Tania Juncal Tasende e Eva Viaño Vázquez, alumnas de 4º ESO A, membros do CluBiblioneme, que protagonizaron esta entrevista en RadioNeme.

Podedes escoitar esta actividade no seguinte enderezo:

https://animacionlectura.blogspot.com/2022/02/dia-da-radio-dia-de-rosalia.html

4ª xuntanza Grupo “Merlín e familia”

 

“Las palabras andan sueltas sin dueño y cualquiera puede con un poco de maña puede apoderárselas para comerciar con ellas… Vender palabras le pareció una alternativa decente”.

Allende, I.- “Dos palabras”, Cuentos de Eva Luna

A lectura de Contos de Eva Luna condúcenos a 23 relatos que fluctúan entre o amor e a violencia hiperbolizados.

Os membros do grupo “Merlín e familia” destacamos a lectura sinxela e pracenteira que proporcionaban estes contos, o coñecemento de diferentes épocas e culturas de América Latina que ofrecen ao lector, ademais de ser un exemplo do realismo máxico, tan importante na producción literaria de Isabel Allende.

Entre os contos máis comentados destacan: “Dos palabras”, “Clarisa”, “María la boba” o “El palacio imaginado”.

O 21 de febreiro comentaremos a obra de Andrea Maceiras, Nubes de evolución.

Grupo “O monte dos libros”

Propostas lectoras para o segundo trimestre

Algunhas das obras máis importantes de Andrea Maceiras protagonizarán as propostas lectoras para o segundo trimestre.

Esta é a nosa selección:

Proxecto Bolboreta  

https://www.xerais.gal/libro.php?id=1983202

Europa Express

https://www.xerais.gal/libro.php?id=3927143

O que sei do silencio

https://www.xerais.gal/libro.php?id=5498368

Boa Lectura!!!

3ª xuntanza Grupo “Merlín e familia”

“Propoño ao lector un desprazamento polo tempo, para comprender o que está sucedendo no presente, neste caso hai que viaxar ao pasado para desvelar un segredo arredor de Rosalía de Castro.”

                                                                        Pedro Feijoo

O 20 de decembro reuniuse o grupo “Merlín e familia” co propósito de comentar a obra de Pedro Feijoo, A memoria da choiva.

Todos os membros do grupo coincidimos en que é unha obra moi entretida e que mantén, como boa novela policíaca, a intriga de forma moi efectiva. Mais, a sua orixinalidade establécese polas referencias á literatura (poemas de Rosalía de Castro enviados aos protagonistas) e polas localizacións, nada casuais, en Compostela.

“Aqueles foron anos bárbaros, meu amigo. A brutalidade do Réxime acabara prácticamente con todo o que algún día fora noso, e agora necesitaba apropiarse do pouco que quedase en pé. Rosalía, con todo o que puidese representar, era daqueles poucos símbolos identificadores que aínda permanecían na memoria do pobo, e como tal cumpría apoderarse del. (…)”

                                                      Feijoo,P.- A memoria da choiva

En definitiva, unha obra que dá paso á lectura doutras novelas deste autor.

Xuntarémosnos o vindeiro 1 de xaneiro para falar dos Cuentos de Eva Luna de Isabel Allende.

Reflexións lectoras: falamos de libros

 O 20 de decembro, os membros do grupo “O monte dos libros” comentaron as lecturas deste trimestre. Aquí tedes algunhas das súas opinións.

Alba, Uxía e Kevin entusiasmáronse coa lectura de Contos para nenos peculiares. Sinalaron que, sendo relatos estranos e marabillosos, esconden moitas verdades.

A memoria dos paxaros foi a obra escollida por Nerea e Uma. Nesta uns fenómenos estranos poñen de relevo a perda dun patrimonio cultural que pertence a tod@s nos.

Adriana e Alba divertíronse coa primeira aventura dos Minimortos. Quen dixo que medo e humor non se poden misturar?

Para Carme, Natalia e Eva as diferentes formas de afrontar os medos interiores é o que destacan da obra Medos de Héctor Carré.

2ª xuntanza Grupo “Merlín e familia”

“Bernarda.- Aquí se hace lo que yo mando. Ya no puedes ir con el cuento a tu padre. Hilo y aguja para las hembras. Látigo y mula para el varón. Eso tiene la gente que nace con posibles.”

F. García Lorca.- La casa de Bernarda Alba

Novembro e teatro van da man no grupo “Merlín e familia”. Así, a lectura comentada o 22 de novembro, na 2ª xuntanza deste grupo, foi La casa de Bernarda Alba de Federico García Lorca.

Obra moi valorada polos membros do grupo, foron moitas as reflexións que apuntaron á visión que ofrece da muller, da época e do ambiente no que se desenvolve a acción.

Reflexionamos sobre o costume antropolóxico do “loito” e relacionámolo coa realidade galega.

Emplazamos ao grupo para o 20 de decembro coa lectura A memoria da choiva de Pedro Feijoo.

Participación do Grupo “ O monte dos libros” no XX Concurso Escolar Teatro Lido Xosé Manuel Eirís.

Os membros do grupo “ O monte dos libros” participaron no XX Concurso Escolar Teatro Lido Xosé Manuel Eirís. Este ano, pola Covid-19, o concurso celebrouse a través do envío de vídeos e os grupos finalistas gravarán a súa lectura dramatizada nos estudios de Radio Voz.

“Neme Teatro” (alumnas do Grupo “O monte dos libros do CluBiblioneme”: Sara Abelenda Costa, Carme Cebey Rega, Natalia García Hurtado de Mendoza e Eva Viaño Vázquez).

Pódes escoitar a súa dramatización da obra A sorte no seguinte enlace:

https://www.youtube.com/watch?v=IUVQys4CUBg

“Os teatreiros do Monte Neme” (alumnado do Grupo “O monte dos libros do CluBiblioneme”: Adriana Antelo García, Nerea Antelo Benítez, Alba Eirín Castillo, Uma Eirís Ferreiro e Kevin Pallas Cebral).

Pódes escoitar a súa dramatización da obra O xuízo de Roxelio Pardiñas “O cucutruxo” no seguinte enlace:

https://www.youtube.com/watch?v=Yf5_Z2Wq7dQ