https://www.xerais.gal/libro.php?id=47928
“Ti sabes o que é a dor fantasmal? Din que é a peor das dores. Unha dor
que chega a ser insoportable. A memoria da dor.”
O 25 de
xaneiro reuniuse virtualmente o grupo “Merlín e familia”. Comentamos a obra de
Manuel Rivas, O lapis do carpinteiro. Publicada en 1998, coa Guerra Civil
de fondo, asistimos a vida duns prisioneiros ao inicio do conflicto en Galicia.
O lapis de carpinteiro, co que un preso recrea o Pórtico da Gloria cos rostros
dos seus compañeiros, será o fío conductor da obra.
Estes son os comentarios realizados por algún dos membros
deste grupo:
Vanesa destacou os saltos temporais e a perspectiva
narrativa. Considera que é unha grande historia de amor.
A Sonia resultoulle difícil o inicio da lectura, mais
gustoulle moito. Sinala a descripción dos personaxes, especialmente Herbal, e o
lapis como elementos principais.
Para Loli e Chelo estamos ante unha fermosa historia de amor
en tempos de guerra. Así opina Laura engadindo, como indicou Pilar, que é,
fundamentalmente, unha historia de personaxes.
Mercedes reivindica o papel de Marisa nesta obra, unha muller
que vence todos os obstáculos para estar co seu amor.
Celeste opina que a súa estructura narrativa dificulta a
lectura desta obra.
Ademais, comentamos a versión cinematográfica, dirixida por Antón Reixa.
A seguinte lectura será Claroscuro de Nella
Larsen. Reunirémonos o 22 de febrero.
No hay comentarios:
Publicar un comentario