3ª Xuntanza do grupo "Monte dos Libros" do Clubiblioneme

"22 segundos" de Eva Mejuto

Alex conta en primeira persoa como vive a súa infancia e adolescencia desde que se dá conta que a súa identidade de xénero non coincide co sexo que lle asignaron ao nacer.

2ª Xuntanza do grupo "Monte dos Libros" do Clubiblioneme

Desta volta o libro elixido foi O diario de Carlota, de Gemma Lienas. Trátase dun diario no que a protagonista de catorce anos reflexiona, coa axuda da súa avoa, sobre as desigualdades entre homes e mulleres analizando as diferentes situacións machistas da sociedade actual.

Reflexións lectoras. Grupo "O Monte dos Libros"

Medo, de Care Santos, é a terceira entrega da saga da escritora, que comezou con Mentira e continuou con Verdade.

Nesta novela os personaxes experimentan o medo a perder os seres amados, a perdelo todo na vida e incluso á morte. 

Se queres saber máis, anímate a ler o libro.

1ª Xuntanza do grupo "Monte dos Libros" do Clubiblioneme

 O mércores, 24 de xaneiro, reuniuse na biblioteca o grupo "Monte dos Libros" para analizar a obra de Care Santos titulada "Medo". 

Inicio das actividades do grupo “O Monte dos Libros”

 O xoves, 10 de novembro, o grupo “O Monte dos Libros” inicia as súas actividades.

Os integrantes son:

ü Celia Ures Rodríguez

ü Valeria Rodríguez Cotelo

ü Aisha González Eirís

ü Zaira Fraga Tasende

ü Marcos Loureiro Castro

ü Alberto Santamaría Villar

ü Nerea Antelo Benítez

ü Alba Eirín Castelo

ü Alexia Marta Varela

ü Estela Rodríguez Hurtado de Mendoza

A proposta para o primeiro trimestre é “Medo” de Care Santos.

REFLEXIÓNS LECTORAS. Grupo “O monte dos libros”

Coñecer e experimentar o Camiño de Santiago a través de lecturas foi o obxectivo deste trimestre coas lecturas seleccionadas polo grupo.

Endrina e o segredo do peregrino foi a proposta lectora elixida por Adriana e Alba. O que máis lles interesou foi o personaxe de Endrina, como evoluciona e o que atopa e investiga no camino.

A novela gráfica Un noruego en el Camino de Santiago é considerada por Kevin, Nerea e Uma como unha obra cómica, con momentos especialmente divertidos, vividos en primeira persoa polo autor. Sinalan que o máis interesante desta obra non é o camiño. O importante son as experiencias e os pensamentos que xenera o traxecto.

Para Sara, Carme, Natalia e Eva a lectura de A arte de trovar de Santiago Lopo resultou moi interesante por varias cuestións: ofrece moitos datos da realidade cultural (importancia da lírica galego-portuguesa), política e social da Galicia do século XIII. Así mesmo, atopáronse cunha novela cuxa intriga as atrapou desde o primeiro intre.

Despedimos este curso coas recomendacións lectoras de Biblioneme para este verán.

http://animacionlectura.blogspot.com/2022/06/guia-de-lectura-veran-2022.html

Bo Verán e Boas Lecturas!

8ª xuntanza Grupo “Merlín e familia”

“É unha verdade recoñecida globalmente que un home rico, que posúe unha gran fortuna, necesita unha muller.”

                                                               Orgullo e prexuízo

A novela de Jane Austen, Orgullo e prexuízo, foi a obra escollida para rematar as xuntanzas do grupo “Merlín e familia” este curso.

Obra clásica da literatura inglesa que mestura melodrama, crítica, romanticismo e costumismo. Mais, todos os membros do grupo salientaron a crítica que reflicte sobre a situación da muller na Inglaterra de principios do século XIX.

Ademais, Gema, Celeste e Vanesa resaltaron a interesante evolución dos personaxes, así como a rebeldía nas actitudes e decisións de Elizabeth Bennet.

Despedimos as reunións deste grupo neste curso.

Bo verán e boas lecturas !!!