1ª xuntanza Grupo “Merlín e familia”

O grupo “Merlín e familia” inicia as súas actividades recuperando as reunións presenciais.

Este curso o grupo está integrado por:

• Marga Carballido Novo (familiar).

• Consuelo Gago Bello (familiar).

• Celeste Lago Bello (familiar).

• Vanesa López (familiar).

• Catalina López Pérez (profesora).

• Dolores Míguez Benítez (familiar).

• Gema Reino Rodríguez (familiar).

• María Rodríguez (familiar).

• Mercedes Rodríguez (familiar).

• Pilar Serrano Cela (coordinadora-profesora).

O 24 de outubro reunímonos para compartir as “experiencias lectoras” do verán e concretar o itinerario lector deste trimestre. 

Aínda que o curso pasado o grupo mantivo reunións virtuais, o encontró deste día foi especialmente emotivo. 

A vindeira reunión será o luns 25 de novembro. Analizaremos o drama de Federico García Lorca, La casa de Bernarda Alba.

Inicio das actividades do grupo “O Monte dos Libros"

 O luns, 18 de outubro, o grupo “O Monte dos Libros” iniciou as súas actividades.

Este curso os integrantes son:

1º ESO

Adriana Antelo García

Alba Lamas Suárez 

2º ESO

Nerea Antelo Benítez

Uxía Carracedo Carracedo

Alba Eirín Castillo

Uma Eirís Ferreiro

Kevin Pallas Cebral

4º ESO

Sara Abelenda Costa

Carme Cebey Rega

Natalia García Huratado de Mendoza

Eva Viaño Vázquez 

Este curso continuaremos co Radio Teatro. Realizaremos unha selección de lecturas que os membros deste grupo transformarán en pezas radiofónicas e, posteriormente, serán gravadas na radio do centro. Ademais, paticiparemos con estas gravacións no Festival Internacional Outono de Teatro de Carballo, XX Concurso Escolar de Teatro Lido “Xosé Manuel Eirís”.

 As propostas lectoras deste grupo para o primeiro trimestre son:

Lecturas terroríficas

-Costas, Ledicia.- Os Minimortos. Benvido ao Outro Barrio

https://www.xerais.gal/libro.php?id=6353039

-Riggs, Ransom.- Contos para menos peculiares

https://rinoceronte.gal/sushibooks/produto/contos-para-nenos-peculiares/

-González Costa, Teresa.- A memoria dos paxaros

https://www.xerais.gal/libro.php?id=6092442

-Carré, Héctor.- Medos

https://www.xerais.gal/libro.php?id=6092317

Invitación grupo "Merlín e familia"

Presentación de actividades

 

CluBiblioneme

GRUPO “O MONTE DOS LIBROS”

(Alumnado 1º, 2º, 3º, 4º ESO e FPB)

Presentación actividades

Un curso máis queremos continuar coa nosa actividade do Club de Lectura, CluBiblioneme. O noso obxectivo é incentivar a formación lectora.

Realizaranse as actividades do club seguindo as medidas establecidas polo protocolo Covid do centro e desenvolveranse os luns de 15:00 a 16:00 horas.

Se queres ser membro do noso club, debes anotarte, antes do 7 de outubro, na biblioteca do centro.

Anímate!!!

REFLEXIÓNS LECTORAS

 Grupo “O monte dos libros”

Coñecer outras literaturas e, con iso, ampliar as xeografías lectoras dos membros do Grupo “O monte dos libros” foi a proposta de Clubiblioneme para este trimestre.

Os relatos de Kipling (Contos de así foi) foi a lectura escollida por Silvia e Yaiza, na que destacaron o humor co que se narraban as peripecias que vivían os animais.

Melisa, Iria e Uma  coincidiron coa obra A rapaza de tinta e estrellas. Novela moi entretida, chea de misterios, aventuras e moita imaxinación.

“Cada un de nós leva o mapa da súa vida na pel, no xeito que camiña, mesmo no xeito en que medra.”

                                                                      Millwood, K.- A rapaza de tinta e estrellas                                                                             

Kevin, Alba, Sara e Nerea sinalaron a valentía do protagonista da novela que escolleron, Un puñado de estrellas. Durante tres anos, o protagonista escribe un diario no que reflicte o seu paso da infancia a idade adulta nunha realidade hostil, marcada polas desigualdades.

O París de principios do século XX enmarca a obra de Irène Némirovsky, O baile, que nos descubre a unha adolescente vingativa. A actitude dos país, o egoísmo de Antoinette e o retrato da sociedade da época son os elementos que máis interesaron a Elisa, Eva, Ivana, Laura, Natalie e Jesús.

Despedimos un curso de retos, confinamento e máscaras no que precisamos, máis que nunca, comunicarnos e compartir. A través das actividades do Clubiblioneme quixemos que así fose. Obxectivo cumprido. Grazas a tod@s @s que nos apoiaron neste propósito e, principalmente,  aos membros do Club.

 Voltaremos o vindeiro curso, con forzas renovadas e o mesmo compromiso.

Bo Verán e Boas Lecturas!

“Necesitamos desesperadamente que nos conten historias. Tanto como comer, porque nos axudan a organizar a realidade e iluminan o caos das nosas vidas.”

 

Paul Auster

8ª xuntanza Grupo “Merlín e familia”

Merlín e familia de Álvaro Cunqueiro foi a obra elixida para rematar as actividades deste grupo, condicionadas por esta larga pandemia que estamos padecendo.

Con esta novela, que da nome a este grupo, publicada en 1955, Cunqueiro comezou a súa obra narrativa. Estamos ante a historia dun Merlín vello, refuxiado nas terras de Miranda, que nos chega a través do relato do paxe Felipe de Amancia.

Na xuntanza virtual do 14 de xuño, descubrimos o dominio deste autor da historia medieval, da materia de Bretaña e do mundo celta.

A unión de historias imaxinadas con relatos absurdos e as referencias artúricas son os aspectos da obra que máis sorprenderon a Gema e a Mercedes.

Sen dúbida a unión da maxia e da fantasía coa realidade galega diríxenos a un realismo máxico galego. Así o comentaron Pilar, Celeste e Loli.

Culta, imaxinativa e moi divertida foron os adxectivos cos que calificaron esta novela Marga, Chelo e Vanesa.

“Verdade ou mentira, aqués anos da vida ou da imaxinación foron enchendo cos seus fíos o fuso do meu esprito i agora podo tecer o pano distas historias, novelo a novelo.”

                                                                                      Merlín é Familia

 Rematamos as reunións deste curso, condicionado pola pandemia. Esperamos que o vindeiro  podamos retomar as reunións presenciais.

O equipo de CluBiblioneme quere agradecer a fidelidade mostrada por todos os membros deste grupo que, virtualmente, seguiron ampliando as súas xeografías lectoras e crecendo como grupo e como lector@s.

Ata o próximo curso.

Bo verán e boas lecturas!

DÍA DAS LETRAS GALEGAS 2021

 Descubrindo a Xela Arias

“Que nunca, nunca xamais, me diga alguén que non entende de poesía. A poesía non se entende, síntese ou non se sinte, faise ou non se fai".

A Real Academia Galega dedícalle o Día das Letras Galegas 2021 a Xela Arias, unha das voces máis destacadas da poesía galega contemporánea.

Nerea Antelo Benítez, Alba Eirín Castillo, Uma Eirís Ferreiro, Iria Muíño Puente, Kevin Pallas Cebral e Melisa Pose Vázquez, alumn@s de 1º ESO e membros do grupo “O monte dos libros” do CluBiblioneme, colaboraron na gravación do podcast da Biblioteca en RadioNeme.

Podes entrar no seguinte enlace para escoitalo:

http://www.edu.xunta.gal/centros/iesmonteneme/system/files/Audio_Xela.mp3

Biblioneme convídate, a través da lecturas dos seus libros, a seguir descubrindo a esta autora rebelde que derrubou convencións para construir a súa realidade, a súa independencia.

“Un libro pide demasiado. Pero hai que rebotarse contra iso. Rebotarse contra a concepción do libro coma un cadáver morto nun anaquel.”

                                                                            Xela Arias

De certo, a vida ía en serio.

Por iso morrer non conta

números.

 

Eras moza,

cómplice nunha derrota que non

sumabas. Feliz por terte insomne

por inmortal.

 

Xa temos cadáveres amigos

e coñecidos,

sabemos da morte o legado inútil.

 

Pero ¡que ridículo!, ¿non?,

abrazar o feito feliz de xa medrar

-camiñar ás aforas-

en tempos asépticamente tan

alienados.                                 

Intempériome (2003)